Almaty qalasy Kásipkerler palatasy óńirlik keńesiniń tóraǵasy Maksım Baryshev qalada júrip-turý ruqsatyn beretin portal barynsha ońaı jumys isteıtin bolady dep atap ótti.

Onyń aıtýynsha, kásiporyn nemese jeke kásipker qala boıynsha júrip-turýǵa ruqsaty bar nemese joq ekenin anyqtaý úshin: ol óziniń JSN (JK úshin) jáne BSN (kásiporyn úshin) nómirin engizedi.

– Budan ári baǵdarlama algorıtm negizinde qalada jaldamaly qyzmetkerlerge júrip-turýǵa bolatynyn ózi anyqtaıdy. Eger tizimge sáıkes qalada júrip-turý múmkin bolsa, sáıkesinshe, uıashyqtardy toltyrý úshin kelesi tereze ashylady. Budan ári qyzmetkerlerdiń JSN engiziledi. Avtokólik quraldary memlekettik nómirlerdi engizý arqyly anyqtaı alady. Odan keıin qujattarǵa qol qoıý erejelerimen kelisýge arnalǵan úsh belgi bolady. Sodan keıin elektrondyq-sıfrlyq qoltańbanyń (ESQ) ekinshi bóligin qosyp, «kelisemin» degendi basý qajet. Osydan keıin barlyq qurylǵan baza shtabqa ári qaraı qaraýǵa jiberiledi, – dedi Maksım Baryshev.